Şu aşakdaky sowallara halys ýürekden jogap beriň. Ikilik etseňiz, ýene-de özüňizi tanamak mümkinçiligini elden giderersiňiz. 11 sowalyň her dogry jogabyna bir bal berilýär.

11 baly toplap bilen öz bilim derejesinden göwnühoş bolup biler.
10 bal toplanyň göwni hoşrak bolar.
2-3 ýalňyş goýberen, öz kellesiniň işleýşine, umuman, ýaman däl diýip biler.
4-6 ýalňyş goýberen ortalyk adamdyr.
7-9 ýalňyş goýberen düşünjäm entek öser diýip tama edip biler.
10-11 ýalňyş goýbereniň ýagdaýy örän kyn.
Ýöne ýene-de bir zady bilip goýuň, testiň talabyny berjaý edip bilmedik ýagdaýyňyzda göwnüçökgünlige ýüz urmaň. Bu bir ýarym oýun, ýarym çyn degişme testi ahyryn.
Hany onda, özümize tanyşmaga girişeliň.

Sowallar:

1. Siz jaňlysagady gurup sagat sekizde ýatdyňyz-da, sagat dokuzda-da oýandyňyz. Siz näçe sagatlap ýatdyňyz?

2. Hindistanda Täze ýyl barmy?

3. Siz eliňiz otluçöpli garaňky jaýa girýäsiňiz. Jaýda bir şem, bir nebitli çyra we peç bar. Siz ilki nämäni ýakarsyňyz?

4. 81 ýaşyna çenli ýaşan adamyň näçe sany doglan güni bolandyr?

5. Size lukman 3 tabletka dermany her ýarym sagatdan birini iç diýip beripdir. Siz bu dermanlary näçe sagatda içersiňiz?

6. Bir adam dört diwarly otagda ýaşaýar. Her diwarynda bir penjire bar, hemmesem gündogary görkezýär. Şol wagt penjireleriň birinden bir aýy içerik seredipdir, şol aýynyň reňki nähilidir?

7. Kagyz galam almazdan 30-y haýsy-da bolsa bir sana bölüň, netijäniň üstüne-de 10 goşuň netijäňizi ýadyňyzda belläp, biziň berjek netijämiz bilen deňeşdirip görüň.

8. Bir çopanyň on ýedi goýny bar eken. Onuň goýunlarynyň dokuzysyndan gaýrysy ölüp gutarypdyr. Çopanyň ölmän galan goýnunyň sany näçe?

9. „Sen meniň oglum, ýöne men seniň kakaň däl“ Bu sözleri ogluna kim aýdyp biler?

10. 1881-nji ýylyň 24-nji dekabrynda Londonda nähili waka bolup geçipdir?

11. Jaýyň dört burçunyň her burçunda bir pişik otyr. Her pişigiň öňündede üç pişik otyr. Jayda jemi näçe pişik bar?  

Testiň jogaplary

GÜJEŇLEME (reklama) MAZAMLAMA